如果想話一類人好普通，我哋就會話「有咩特別啫，一個招牌砸落嚟都砸死幾個啦」，講就咁講啫，其實邊會有人想見到人畀招牌砸中㗎，咁危險！不過最近美國就有條友仔疑似食飽飯冇嘢做，特登去搵招牌砸自己啵，一齊去睇過～

嘩，個P字牌唔止鬆鬆地咁簡單，直頭好似大風啲都會吹甩佢咁呀，間舖頭咁都唔圍住佢，等人唔好行埋去嘅！再望落少少，真係有個男人企正喺個P字下面啵，喂先生你係咪等人呀？企過兩步都好呀，你見唔見個P字蓄勢待跌呀！

算啦叫極佢都唔會走㗎喇，因為佢係特登企正喺嗰度，搏畀個招牌砸中再拎賠償㗎！見唔見佢連衫都換埋呀，佢已經企足兩日㗎喇，真係毅力與腳骨力的表現呀！

不過，最後唔知係幅牆嘅挽留，定招牌嘅追求啦，個P字都依然冇跌落嚟。面對一大堆記者採訪，呢條連砸穿頭都唔怕嘅友仔唯有話自己只係想提醒間超市要小心安全，真係好偉大呀……行為藝術果然係任何行為嘅最佳藉口呀，長知識了！

封面圖片、資料來源連結： Manuel Garcia