柴犬天生笑瞇瞇咁樣，得得意意，已經贏在起跑線啦，唔止呀，佢哋仲要有樣其他狗仔冇嘅嘢?！唔係捲尾呀，而係有眉毛呀！柴犬對眼仔上面有撮白色毛，好似有堂眉咁，唔怪得啲表情睇起上嚟咁搞鬼啦！天生咁打耳仲有堂眉，公平咩，其他狗狗都應該要有生眉毛嘅權利囉！

不過主人又冇奶油幫狗狗搽生髮水嘅，更加冇可能幫佢染色啦，不如就試下好似佢咁啦？呢隻狗狗畀主人黐咗堂勁粗嘅眉，加埋佢個囂張嘅眼神，好似鄙視緊主人咁呀～

「主人，識你咁多年，真係估唔到你連咁無聊嘅嘢都玩得落囉……出街唔好同人講我係你隻狗?呀汪。」

其實睇耐啲就慣㗎喇，又覺得堂眉同狗狗幾襯吖，直頭冇咩違和感，仲有幾分眉清目秀，好似一個明星咁?呀！

溫提：想自己隻狗狗都咁眉清目秀，都唔好用化妝品幫佢畫眉或者亂咁染色呀，可能對狗狗身體有害㗎！

いつもやってる事なのに眉毛付けるだけでこんなにもおもしろいことになるのか pic.twitter.com/ft7vNg7YjN

— ビーモ (@NatsuDogs) February 21, 2017

封面圖片、資料來源連結：NatsuDogs／twitter