想人哋知道你件product有幾好，最簡單嘅方法就梗係示範啦，唔示範過又點知你件product堅唔堅喎！喂，雖然講係咁講，但你想人哋知道個掛勾有幾實淨都唔使搵個小朋友嚟吊呀嘛？

大家睇下個小朋友畀人吊到神情呆呆滯滯咁，毛毛隔住個mon都feel到佢有幾無奈呀！唉，今次真係小朋友心裡苦，但小朋友不說咯……小朋友心諗，想話畀人哋知個掛勾掛幾重嘅嘢都唔會咁易跌落嚟啫，用沙包嚟做示範咪得囉，做咩要搞9我喎？

咦，唔通呢個掛勾嘅真正身份其實係老竇湊仔神器2.0？小朋友百厭暴走冇時停唔使驚，有咗呢個掛勾就通通都搞得掂啦！

（例牌頭盔：以上內容均由毛毛9講，家長切勿亂將小朋友吊起）

其實呀，貨都未必係真啦，咁示範又使乜搵真小朋友嚟做示範啫～好似呢兩間網店咁，用photoshop key個小朋友上去咪得囉，既方便，又快捷！再唔係叫員工親身上陣又得，得咗！

資料來源：淘寶、daddytypes