成日都聽到啲女人話呢個世界上冇醜女人，只有懶女人，化妝術幫你唔到，咪用喬妝術囉。假如呢句說話真係真嘅話，咁唔知套用喺男人身上又得唔得呢？

最近，有位日本網民就喺twitter upload咗兩張相，用真實嘅例子嚟話畀大家知，其實呢句說話套用喺男人身上都一樣得。想由毒L變靚仔？其實唔難吖，關鍵咪就係在於你個髮型同條眉囉！

大家睇下呢位仔仔，佢只不過係咁意執下個髮型同修下條眉咋嘛，咁就當堂成個人唔同晒，靚仔咗勁多喇～真係好神奇呀！It's magic！

將before同after兩張相擺埋一齊睇多次。喂，真係唔講得笑，前後對比會唔會太大呀？明明頭先仲係成個電車男咁款，點解而家淨係執下個髮型同修下條眉就變到成個日本美男子咁㗎……唔通真係搞掂個髮型同條眉就得？媽呀！我終於可以脫毒喇！

脫毒？sorry，啱啱畀完希望大家，而家又要一秒令大家失望。

有網民見到呢兩張相前後對比大咁到就覺得好可疑，於是將執完嘅頭髮同修完嘅眉key返落before張相度，諗住睇下效果會唔會一樣。結果係點？大家有眼見啦！其實after張相靚仔咁多除咗係因為執完髮型同修完眉，仲因為燈光、角度等等嘅因素……

玉不琢，不成器？都要你本身係嚿靚玉先得㗎。

眉毛手入れして前髪あげただけで人間としてのランクがここまで上がるなら男性はとりあえず眉毛絶対なんとかするべきだし女性でいじってないのは女扱いされなくても仕方がないレベル pic.twitter.com/LXt7U0o1Hy

— げじょごはやせる (@ocomede) 2017年2月11日

資料來源：ocomede／twitter