小學嘅時候，啱啱學識暗戀人，借過枝筆畀佢之後，就會當枝筆係寶，死都唔畀其他人用；放學偷偷地坐佢個位，喺佢張枱畫個細心心；玩遊戲坐過佢隔籬同佢拖過手，就連手都唔想洗……當時仲以為呢啲就叫做愛情。傻啦，咁小事，點算得上係愛呀！連佢出現過嘅地方嘅空氣你都儲起，咁先算係真愛呀（好似）！

好似呢個韓國妹豬咁呀，佢係BLOCK B忠實粉絲嚟，連BLOCK B見面會度嘅空氣都裝落個大膠袋度珍藏。你諗下，啲空氣入過BLOCK B身體再呼返出嚟，跟住又入去你身體，嗚呀，呢種接觸真係又親密又含蓄呀！有咩頭暈身㷫聞一聞真係醒腦提神㗎，索一索點止舒筋活骼呀，直頭反老還童?啦！

不過，好景不常，妹豬都會有窮到燶嘅時候，佢唯有忍痛割愛，將呢兩袋偶像同場空氣放上網賣啦……嗚嗚嗚，毛毛已經想像到佢索一大啖之後打個死結，影相post上網嗰刻嘅心情有幾痛喇！

真係估唔到偶像同場空氣都會係一條新財路，想發嚦咕嚦咕霧霾財嘅淘寶賣家都係唔好用「加濃」、「帶顆粒」呢啲嚟做賣點喇，改做「習大大同場空氣」、「宇宙漿見面會空氣」，實好好賣啫！

아껴뒀던 블락비 팬미팅 공기 팝니다..
1 2부 둘다있구요..
하..소중하게 간직해온건데 돈이 급해서 팝니다... pic.twitter.com/CRDZo5I3DT

— 쓸애기 박수영이 씹덕사로 죽임 (@BBC_0914Z) February 18, 2017

封面圖片、資料來源連結：BBC_0914Z／twitter

延伸閱讀：

【充滿創意的強國度】淘寶連北京霧霾都有賣

【發霧霾財】唔想聞毒氣呀？淘返包雲南新鮮空氣索下啦！