2017年02月22日 星期三
【隱藏功能Get】想扮大隻仔？用Nude Bra咪得囉！
而家呢個年代，真相愈嚟愈難搵到，就好似挨豬女神咁呀，張自拍化行晒妝先影，實靚㗎啵，到佢話100％素顏，又可能係用美圖瘦獸執過嘅，到見到真人，覺得都唔差吖，身材仲好鬼fit?，但原來係著咗束腰馬甲同升球大墊㗎囉……少年，唔好以為女神先有咁咁多掩眼法呀，其實仔仔一樣有！
好似玩cosplay嘅呢個仔仔咁呀，你以為佢真係咁大隻？假的！佢扮緊嘅係手機遊戲Fate/Grand Order入面嘅クー・フーリン（オルタ），人哋不知幾大隻有型呀，不過玩cosplay啫，唔通真係去做gym操肌肉咩，用掩眼法咪得囉！
要成為一個大隻仔，首先你要有六嚿腹肌，不過就係膠味甚濃嘅假腹肌啫。喺上面畫返啲圖案，再戴喺心口，都呃到下人㗎～
個body就夠晒大隻喇，但隻手就弱雞咗啲啵！而家市面上又冇假手臂賣，腹肌同手臂差咁遠，人哋咪會一眼睇得出個腹肌係裝假狗囉……
假狗？冇錯喇，就係假狗喇！一於就用女神最愛嘅Nude Bra嚟裝假狗啦，不過就唔係裝喺心口，而係裝喺手臂！遠睇似解剖肌肉圖多過Nude Bra啵！再著埋件衫遮一遮，咪成個大隻仔神還原咗出嚟囉！
平時聽到女仔講買爸爸呢啲話題，毒L 邊搭到嗲喎。而家呢個coser又型仔又大隻仲要連點用Nude Bra都咁有心得，贏晒啦，咩女都畀佢溝晒啦！
オルタニキの為に筋肉もどきやってみたんだけど結構良い感じなので簡易レポ(*⁰▿⁰*)
— 夜光夜希?春閃華東4あ11b (@YakiYakou) February 15, 2017
ヌーブラをなんとなく腕の筋肉っぽい位置に貼り付けるだけ！(肩に2枚重ね、二の腕の両サイドに1枚ずつ、腕を挟むように1枚ずつ、片腕で計6枚使用)上から肌着着たり衣装があれば気にならなそう！ pic.twitter.com/BnRVV6Ekez
封面圖片、資料來源連結：YakiYakou／twitter
《查看更多隱藏功能》
