紅色係一種令人又愛又恨嘅顏色，喺新年嗰陣收到紅色嘅利是，收一千封都唔嫌多，但係過咗新年，收到紅色炸彈，就一封都感動到想喊呀！尤其係自己嗰輩啲人，一係唔結，一係就同一年幾pair都話結，收到張帖嗰陣除咗恭喜都唔知可以講咩好呀⋯⋯

但係如果你係一個精靈訓練員，收到呢張帖肯定充滿實派啫！雖然呢張帖唔似一般見到嘅大紅大紫咁喜慶，但一睇啲童年回憶就返晒嚟喇！

有玩過黑白版Pokemon都會認得呢個咁經典嘅對話框，用對話框嚟同大家講「我們結婚了」 ，仲要加埋Pokemon畫風版嘅新郎新娘，真係好有心思呀～

而回應會唔會出席嗰度都係用返Gameboy嘅選項介面，睇到張帖都好似隱隱約約聽到當年玩火紅同葉綠版聽到啲背景音效，仲有少少衝動想㩒左右同A掣?！

有網民就話，如果當日佢哋用埋呢個系列嘅介紹做婚戒就Perfect喇！嘩，咁咪畀人知道係老公剋住老婆，定老婆食住老公囉？咪住先，呢個系列有三款戒指㗎喎⋯⋯淨低嗰隻係留畀阿囝或者阿囡㗎啫，嚇我唔到嘅～

封面圖片及資料來源：poco0v0／twitter 、u-treasure

準新人訓練員睇埋：Pokemon主題婚禮 連迎賓動畫都似足遊戲畫面呀！