一講起少女漫畫，可能大家都會諗起嗰個根本唔存在喺現實世界嘅白馬王子。乜L嘢高大有型靚仔兼有錢喎……我呸！而家咩年代呀，仲溝白馬王子？會唔會out咗啲呀？家陣識溝就梗係溝大猩猩㗎啦～

話說，最近有位日本網友就無意中發現一本少女漫畫《原始人彼氏》嘅劇情竟然講述一位女女同大猩猩談戀愛，望住個女女同大猩猩拖晒手咁sweet嘅畫面，搞到呢位網友都忍唔住要影低同一眾網民開心些牙一下！

同大猩猩談戀愛？嘩，會唔會重口味咗少少呀……唔通呢位女女係穿越去咗人類未進化嘅年代？

大家睇下呢隻大猩猩，然後再屙督尿出嚟照下自己個衰樣……而家連大猩猩都有女呀，你話毛毛…呀唔係，係你哋似咩樣吖！嗯嗯，計毛毛話，呢隻大猩猩肯肯定係好有錢頂嘞，如果唔係又點會連大猩猩都有女，而毛毛…呀唔係，係而你哋又冇女先得㗎！55，一定係。

btw，其實同大猩猩談戀愛又點吖？同松樹談戀愛咪又係咁！早排先有個戀愛育成game係畀人同松樹談戀愛咋嘛，你除咗可以遠觀棵松樹，仲可以褻玩?（i mean摸下棵樹）～再唔係嘅，玩埋老樹壁咚都仲得呀！

嗚哇，有冇人可以話畀毛毛知，毛毛到底喺度睇緊啲咩？

少女マンガって今こんなことになってんの…
生きねば… pic.twitter.com/nDL5NCApIT

— たまこ (@tamamoonya) 2017年2月23日

資料來源：tamamoonya／twitter

睇埋：【戀愛育成game】有得同棵樹談戀愛 係咪諗起都興奮呢？