一個精明嘅師奶，係絕對唔會抌一件可能仲有用嘅嘢出街。咁又係嘅，樣樣嘢都係用錢買返嚟，啲錢搣開有血有汗㗎嘛，下下見啲嘢少用就抌，咁咪好浪費？嗱，好似以下呢位日本妹嘅阿媽咁就叻呢，即使阿女大個唔再玩呢隻怪獸公仔，但佢一樣可以善用呢隻怪獸公仔，等佢唔會變垃圾！

到底阿媽拎隻怪獸公仔嚟做咩？登登登櫈，之唔係將隻怪獸公仔當係頸鏈架咁用囉！

大家睇下隻怪獸公仔放到幾多頸鏈同手鏈，分分鐘仲實用過大家淘返嚟嗰啲頸鏈架?呀！吖，又估唔到呢位阿媽竟然幫隻怪獸公仔諗到個新用途咁醒喎，今次真係名符其實嘅怪獸都變成首飾箱喇～

雖然阿媽幫隻怪獸公仔諗到個新用途咁醒，但阿女以乎就唔係幾buy，仲話阿媽搞到佢隻怪獸公仔成個土豪咁款，好崩壞?！唔講由自可，一講……又真係幾似嘅。

老老77，講到崩壞嘅，你隻土豪怪獸公仔又點同以下呢隻盔甲武士比吖……

嗱，有睇開／玩開《星之卡比》嘅朋友都知黃色嗰兩點係盔甲武士對眼嚟㗎啦，點知呢位網民嘅阿媽就以為黃色嗰兩點係牙嚟，以為隻公仔少咗對眼，所以就幫佢縫咗對眼上去呀！

土豪怪獸公仔好崩壞？四眼盔甲武士笑而不語。

小さい頃買って貰ったレッドキング。うちのお母さんのネックレス掛けになってました。
成金感ぱネェ。。。 pic.twitter.com/blP7tLGzhx

— ゆっち (@Yutchi2123) 2017年2月26日

資料來源：Yutchi2123／twitter、koukakuruida／twitter

睇埋：【阿媽你真幽默】見你隻公仔冇眼咪幫你加返對囉！