我哋呢班打工仔，一生一世為錢幣做奴隸！有時做嘢做到燥燥地、甚至壓力爆煲，真係好想衝入腦細房用丹田大大聲講四隻字！我！唔！撈！喇！（當然如果你想都可以再講多四隻字啦）不過有幾可有人真係咁有型吖，捨得遞辭職信都已經當贏啦，諗住喺封辭職信度寫返幾句心底話，但諗諗下，唔係喎，我想要返封reference letter㗎喎，於是咪正正經經咁寫完佢就算。

唉，人做打工仔，我哋做打工仔，因乜解究人哋可以咁鬼有型㗎呢？唔好以為呢張寫滿字嘅廁紙係人哋一邊辦大事一邊無無聊聊寫嘅草稿紙呀，其實係封辭職信嚟！個員工話特登用廁紙寫辭職信，係想表示對公司嘅不滿，仲話覺得間公司好快就會同張廁紙一樣，畀人沖落sss坑呀！唔知佢係咪想話公司成篤sss咁爛呢？

不過有時辭職都係想轉換下新環境，或者做條過塘肥魚啫，又唔係個個都想離開公司嘅時候搞到咁僵嘅，如果唔想太寸77但又嫌正正經經嘅辭職信太悶，不如參考下呢啲例子吖，第日真係想食回頭草，腦細都一定記得你呢個咁有創意嘅員工啫！

My husband's letter of resignation from funny

封面圖片、資料來源連結：reddit

睇埋：【最有共鳴辭職信】一次過數晒腦細啲衰嘢出嚟！