藥箱都可以變成首飾箱，咁點解自己間房執極都好似冇乜taste咁嘅？明明都用晒收納箱收起啲雜物，冇眼屎乾淨盲㗎喇喎，又跟足人哋啲示範單位咁佈置，都硬係冇乜特色咁……可能就係爭咁盞靚嘅裝飾燈呀！

試諗下，熄晒啲光管，淨係著住盞裝飾燈，成間房都若明若暗，自然乜雜物都睇唔到啦，仲連照鏡都覺得自己靚仔啲呀！啲K房呀、高級西餐廳都係靠盞燈做個feel出嚟咋嘛，呢啲咪浪漫囉。吖呢盞燈仔有啲未來科幻feel得嚟又幾何圖案復古feel，唔知出自邊位大師手筆咁呢？

呢個問題問得真係好，我哋都好樂意解答你嘅問題！呢位大師嘅目標係喺和諧中，維持呢個世界嘅平衡，話明大師，梗係姓大㗎啦，個名就叫自然！蝦蝦！

話說有個網民喺海邊執咗呢個貝殼返嚟，再擺咗盞燈仔入去，咪完成咗呢盞又有大自然美態又有新潮感覺嘅燈飾囉！

有另一個網民話，用彩色燈整嘅話，個效果仲靚呀！嘩真係好迷幻呀，開party擺返幾盞喺屋企，咪仲有feel過出去酒吧？睇睇下仲有啲似波點女王草間彌生嘅大南瓜?呀！Between，美人魚連bikini都係用扇貝整，唔知佢屋企盞燈又係咪用貝殼改裝㗎呢？

海で拾ったウニの殻に、LEDを仕込んでみた。 pic.twitter.com/g3OLIUkPNh

— のらや (森) (@norateng) February 26, 2017

封面圖片、資料來源連結： norateng／twitter、狂去日本 Japan Likers