2017年02月28日 星期二
【係緣份呀】睇老公22年前舊相 發現自己經過佢後面
每個人都有不堪回首嘅過去，但偏偏，情侶最鍾意就係要對方喺床下底摷雜物出嚟咁，同自己分享晒呢啲經歷……講緊嘅唔係list晒自己之前拍過幾多次拖、同邊個拍呢啲情史，而係畀細個啲相佢睇呀！特別係中學啲相呀，那些年嘅潮童造型叫人點好意思畀人睇喎！
浙江呢個老公都一樣，畀老婆睇緊佢啲22年前嘅舊相，不過好彩係童年照唔係青春期啲mk相啫～嗱，前面最左，好肉緊咁錫緊細佬嗰個細路，咪係老公囉～咦，乜後面個女仔咁熟口面嘅喂？
老婆睇到呢度，就返去摷下自己啲相喇，唔係唔認得自己細個個樣呀，而係要証明自己真係同一日去過呢個公園呀！
搵到喇，著間條衫呢個孖辮妹，咪係老婆囉！隔籬仲有外母大人同嫲嫲?！真係唔睇相都唔知道，原來大家喺22年前已經相遇，呢啲咪就係緣份囉～當年老婆就路過老公後面吖，好彩佢哋嘅愛情並冇擦身而過，而家仲結埋婚啫！行過路過，最緊要唔好錯過吖嘛！
封面圖片、資料來源連結：浙江在綫
同場加映：
