唔想食過期食品落肚，食之前睇清楚個賞味期限咪得囉。不過，假如你見到嗰個賞味期限係一個唔存在嘅日期嘅話，你又會點處理呢？

話說，最近有日本網民就發現咗一個罐頭嘅賞味期限竟然係2017年2月29日。嗱，心水清嘅大家都應該知道今年笨唔係閏年，2月係冇29號㗎啦……望住個印住3月1日嘅日曆，再望返呢個唔存在嘅賞味期限，真係搞到呢位網民唔知食好定唔食好，好疑惑呀！

咦喂，又話今年2月冇29號嘅！點解東京地鐵個日曆牌又會寫住29號㗎？咁到底今日係2月29日定3月1日？個賞味期限又係存在定唔存在呀？媽，真係好亂呀……

btw，講到疑惑嘅，早前呢位網民咪仲疑惑～佢除夕倒數完先發現屋企個電子鐘顯示嘅日期唔係1月1日，而係12月32日……即係話當全世界都同2017 say hello嘅時候，佢仲停留緊喺2016呀！

溫馨提示：過期係分「此日期前食用」同「最佳食用日期」兩種，如果只係過咗「最佳食用日期」，其實都仲食得㗎。

この賞味期限は過ぎてるのかセーフなのか…… pic.twitter.com/9dayN09man

— はなせ (@tymiot) 2017年2月28日

資料來源：tymiot／twitter、sola7716／twitter、k1129my／twitter

時空錯亂系列：

【喊出嚟】點解我個鐘顯示今日係12月32日嘅？！

7張圖話你知9月真係有31日