去日本除咗行街shopping，記得仲要眼觀四面，耳聽八方，話晒日本周圍咁多千奇百趣嘅嘢，一唔小心好容易就錯過㗎喇～其中一個成日有實派嘅地方就係自動販賣機嘞！有啲自販機就係個外形特別，而有啲就係賣嘅內容物夠晒過癮，仲有啲自販機係個擺位玩死人呀！

好似呢部機咁，遠睇好似係賣一支支嘅烏龍茶，但如果你真係咁烏龍當佢係茶咁買你就中晒伏喇！烏就係烏喇，但係呢部機係賣緊烏冬麵嘅湯底呀！

呢隻湯底仲要出晒名堅係多條魚喺入面，所以買錯都唔緊要嘅，當手信囉～

不過呢位日本妹豬就慘喇，明明部機就喺前面，但係啲人好放唔放，竟然放部機喺個石壆上面，分明蝦靚女妹豬唔夠高啫！毛毛生平最憎人恰啲靚女㗎喇，更何況呢個靚女仲要係日本女團「妄想刻度」嘅雨宮妹妹?！

有網友就話，一於參考下玩呢個超高汽水機嘅方法，騎膊馬咪得囉～好提議喎，呢啲粗重嘢一於就交畀毛毛做啦！但係又有突破盲腸嘅網民話，去第二部買咪得囉⋯⋯唉⋯⋯你走啦，我唔想搞大件事呀⋯⋯

封面圖片及資料來源：_iori_n／twitter、kame_hirosi／twitter