2017年03月02日 星期四
【青春真可愛青春】日本學生扮綠色兵仔去大學畢業禮
歌仔都有得唱啦：同學各位～找個位～這是你的畢業禮～話明係「你的畢業禮」，梗係要趁呢個機會做返啲自己想做嘅事啦，有好多嘢你後生嘅時候唔做，以後就冇機會㗎喇，就算有機會，都冇咁嘅心情玩到咁放啦！
好多人中學last day 都會上天台影相呀、衝入異性廁所參觀呀咁，咁大學畢業又點可以平平無奇、淨係拎住扎花同公仔笑到面都梗晒咁過呢？日本金澤美術工藝大學嘅學生就有幾大玩幾大，cosplay住咁參加畢業禮，把握最後機會玩到最盡喇！
唔知係咪因為呢間係美術工藝大學呢，班學生又真係幾有諗頭㗎啵，鬼太郎老竇又有、雪糕又有、好似連假山都有?呀……
不過講到搶fo，呢幾個綠色兵仔一定贏晒喇！幾個男同學夾埋一齊扮Toy Story入面嘅綠色兵仔，仲要認真連塊面都油埋綠色?！不過咁樣校長會唔會認錯人，頒錯畢業証書㗎？
睇住成班男仔一齊操入畢業禮會場嘅畫面，雖然大人可能覺得佢哋好無聊、唔係著晒suit木口木面嗰種莊嚴，但毛毛就覺得好熱血喇，呢日一定係佢哋人生中嘅難忘回憶！唉，點解人哋畢業禮會令人想唱返句「青春～真可愛青春～」，但香港就好似只係聯想到「一畢業就等於失業」嘅？
金沢美大の卒業式です。 pic.twitter.com/Is3mKjB42a
— あっきー (@akkii_mountain) March 1, 2017
封面圖片、資料來源連結：damiaaaaaan6／twitter、amekazesyokudou／twitter、akkii_mountain／twitter
《熱血畢業禮事件簿》
