由細到大，食蛋真係食得多喇，默書考試嗰啲就唔使講啦，真係食得入口嘅食唔少㗎，話晒又平又好味，仲要煎炒煮炸都咁正喎！加上雞蛋同唔少食材都friend底，地球人食蛋嘅方法真係特別多，日日食都唔會厭呀！

呢款雞蛋多士睇落都幾簡單，仲唔係懶人福音？只要喺方包上面唧啲沙律醬，喺中間打隻蛋，再鋪塊芝士，焗佢4－5分鐘，就有流心芝士雞蛋多士食喇！雖然落咁多沙律醬係就係肥咗啲，不過幾個steps就有得食喇喎，叫人點忍得到口呀，真係超邪惡囉！

好，一於挑戰下啦！唧沙律醬、打隻蛋啫，難我唔到嘅！一次過打夠雞蛋六隻再落返兩茶匙糖都仲得呀！

話咁快就出爐喇，開餐！一切開件多士，嘩……個流心真係好流好心呀……事情都去到呢個地步喇，唔通拎過塊方包倒返隻蛋落去咩。作為一個地獄廚神，煮食嘅嘢，毛毛睇得好開嘅，世事殊途同歸，嘢食都唔例外，畀你煮到曉飛又點呀，最後咪一啖吞落肚！

哼，個食譜講到咁易整，都係呃人㗎！呢個世界冇嘢信得過㗎喇，嬲嬲地，都係放棄治療，炒埋一碟算9數喇！炒到咁樣樣，夠晒邪惡喇啩！

@nikka_jp てめえ責任とれや pic.twitter.com/84O6VAhpPt

— いつや (@itsuya_dq10) March 1, 2017

封面圖片、資料來源連結：itsuya_dq10／twitter

《理想與現實系列》

又話呢部機整到蛋黃哥多士嘅？

明明想整彩色棉花糖 點知……

點解想整個藍莓撻都好似咁難咁嘅？