泰版Lowcostcosplay大家睇得多，最近彈起嘅日版Lowcostcosplay大家都睇到厭，咁香港呢？幾時先輪到香港人整返個港版Lowcostcosplay嚟睇下呀？唔通香港人真係連少少幽默感都冇？

梗係唔係啦！其實香港人都好有創意，香港人都可以好好玩嘅。

最近，有位大埔網民知道細佬就嚟要參加學校嘅costume day，所以就用紙皮自製咗一件巴斯光年cos服出嚟畀細佬喇！唔止咁，呢位網民仲親身示範畀大家睇件cos服係點樣著上身嘅?，好簡單，只要將件cos服固定喺書包就得㗎喇～

「太空戰士，一飛衝天！」

呢位網民話喎，買套巴斯光年衫咁嘥錢，而且著完一次就冇用喎，呢個毛文梗係要發揮小宇宙，玩下低成本製作㗎啦！所以由鎅紙皮去到組合，再去到上色，整個過程都係由呢位網民一手包辦㗎。（留意返，個尾翼仲可以伸長?～）

而見到個做阿哥嘅咁有心，做細佬嘅收到件cos服都表示好鍾意呀。

老老竇竇，雖然呢件巴斯光年cos服就唔算好難整，但其實呢位網民同大家開心些牙件cos服都只不過係想鼓勵大家得閒嗰陣陪小朋友玩下咋嘛！大家明唔明，玩對小朋友嚟講真係好重要呀？

資料來源：感謝網民 Na Ta 同意轉載