小學常識書都有教啦，香港三面環海，氣候潮濕都梗㗎喇，不過冬天都乾起上嚟都真係可以好乾㗎，就好似早兩日咁吖，相對濕度得返40幾%咋，真係諗起都覺得身痕想搲一搲呀，加上作為一條毒L，dry就少不免㗎喇……屋企擺得抽濕機又點可以冇返部放濕機，做好兩手準備呢？

放濕機嚟嚟去去都係咁嘅樣，又點襯得起創作力量同幻想會嚇你一跳嘅我哋呀？最近日本有個網民就幫佢部放濕機玩cosplay，變下身喇！

喺紙皮上面畫個公仔，開兩個窿，再黐喺放濕機上面，野原廣志get！咁都有得玩一餐，日本仔嘅創意真係點到你唔服！啲濕氣喺小新老竇個鼻窿度噴出嚟，令到本來冷冰冰嘅濕氣頓時增加咗一份溫暖，冇錯喇，就係父愛呀哈利……

咪住先，點解好似有啲顆粒咁嘅？咦喂仲要青色㗎，你今日採咗青未呀廣志！咁鬼核突叫美冴擰甩你個頭呀！

自分のことを野原ひろしだと思いこんでいる加湿器を作りました。 pic.twitter.com/ifuOHVhR2v

— nyantel (@nyantelinside) March 2, 2017

封面圖片、資料來源連結：nyantelinside／twitter