有睇過Transformers都知，啲機械人分咗狂派同博派，博派就有同人類主角好Fd底嘅柯柏文，狂派領袖就係麥加登，兩派就係咁樣打咗4集都仲未打完，而死完又死，返生完又返生嘅麥加登（家下仲好似改埋名叫格威龍?）就梗係睇柯柏文好唔順眼啦！但係估唔到平日惡形惡相嘅佢，原來都有小學雞嘅一面㗎！

是咁的，狂派嚟到地球都要搵食㗎係咪？於是麥加登咪係環球影城度秘撈囉～點知呢個時候有個日本妹豬拎個柯柏文公仔叫麥加登踩佢兩腳教訓佢喎！傻豬嚟嘅，麥加登要踩都唔係踩個公仔，係踩柯柏文本體啦係咪？

不過睇唔出原來麥加登都幾Gentleman㗎喎，見妹豬咁熱情，就做一次過你睇啦～話晒點可以要自己狂派嘅Fans失望呢係咪？

正所謂，仇人見面，分外眼紅。喺呢個毛文收埋喺麥加登心底嗰份怨氣，要爆喇！麥加登唔止狠狠地踩個公仔兩腳，踩完仲忍唔住好開心咁舉起手歡呼?～嚟～一齊Go Through下～跟住仲發出好魔性嘅笑聲呀！哇哈哈哈哈⋯⋯

嗯⋯⋯睇嚟做反派仲要集集都打輸嘅壓力都真係好大，間中發洩下都啱嘅，就正如畀腦細鬧得多你都想打下小人啦係咪？不過如果畀柯柏文睇到，大概除咗好似咁樣一臉無奈之外都真係唔知講咩好。

封面圖片及資料來源：k_801_／twitter

メガトロン様が踏んでくれた① pic.twitter.com/FRfjJdLFyI

— こーすけ (@k_801_) 2017年2月28日