長夜漫漫，熄咗燈之後，就係一個人最情感波動，最容易覺得空虛寂寞凍嘅時候喇。四周圍都黑媽媽，得返自己一個孤伶伶咁瞓喺張床度，腦海中就會不經意咁閃過一幕又一幕往事，不過一切都回不去了……呢個時候，如果有把聲喺你耳邊，用低沉嘅聲音安慰你，仲要你點趕佢都唔走，繼續守護住你，你話幾溫馨呢……

夜闌人靜處聽到呢把如泣如訴嘅聲，你會點做呢……啪！咁心急，咁快啪？！而家啲後生真係呢……咩話，仲要係老竇啪？喂喂喂，為老不尊呀你！

喂大佬有蚊呀而家，唔係唔啪一聲拍死佢下話！台灣呢個老竇不知幾廿四孝，知道有蚊咬佢個寶貝女，搞到阿女冇覺好瞓，就出手啪啪啪解決晒班咁唔正經嘅衰蚊！

雖然班死臭飛咬阿女係唔啱，不過老竇都以德報怨，特登為呢班衰蚊起咗個墳，每晚都上香供奉佢哋（老竇你有個女就好心戒煙啦），仲開放畀蚊仔家屬嚟瞻仰遺容?～ Btw，就嚟清明喇喎，驚唔驚佢哋成班親朋戚友一齊嚟拜察呀？

封面圖片、資料來源連結：陳長倫 

同場加映：

【內有洋蔥】小強都有葬禮

【來賓請留步】為過身蜜蜂風光大葬