2017年03月03日 星期五
【密集恐懼慎入】切開個火龍果以為生滿蟲 原來係發芽
人類總係會犯同樣嘅錯誤，明明同自己講要減肥，第二朝又係會叫早餐A沙嗲牛麵。再唔係就買咗一堆生果諗住返工或者放工食，但係擺到爛晒都唔記得食，掉咗過一排又再買過，變咗大嘥鬼呀！有啲水果放得耐發霉就知唔食得啫，點知水果同人一樣都會好眉好貌生沙蝨先得㗎！
好似呢個火龍果咁，雖然有少少燶邊，但望落都仲幾Juicy呀？有冇人知佢放咗幾耐呀？喺呢啲唔知佢放咗幾耐嘅情況，外面聞落又冇咩異樣，咁就梗係食咗先講啦～點知一搣開個皮⋯⋯
＿你街呀，蛆蟲嚟嘅喂？仲要生到密密麻麻，好似條條都蠢蠢欲動咁，嚇死人咩！呢個時候網友仲要挑機望住啲蟲蟲等佢郁，你啲喜好有冇咁重口味呀？但係望住佢哋，一秒、兩秒、三秒⋯⋯唔郁嘅？唔通個火龍果擺耐到連蟲蟲都瓜埋？
算9數啦，掉咗佢啦，好嗎？網友竟然仲拎支羹?啲蟲出嚟，嘩⋯⋯學阿Sa話齋「我想嘔呀」，睇到呢度你都仲睇緊，真係要畀個叻你呀！
但就係?咗出嚟先知，原來呢個火龍果唔係生蟲，係發芽呀！你成日食完火龍果啲便便仲黐住啲籽，其實咪臭係種子嚟囉～咁種子發芽，好出奇呀？但發芽發到好似蛆蟲咁又真係⋯⋯網友仲要特登摸下，話摸落幾似芽菜咁話喎。雖然知道咗唔係蟲蟲啫，但睇完呢篇文叫人以後仲點面對火龍果喎！
封面圖片及資料來源：clover1209／PTT
《生機勃勃發芽系列》：
