一般嚟講，爸爸們都比較抗拒著親子裝。咁又係嘅，舊時嘅親子裝又冇而家咁多款式，一講起親子裝，大家都可能會諗起啲一式一樣嘅公仔T恤。要爸爸們著住件咁老套嘅公仔T恤？想佢哋畀人笑到面都黃咩？

而日本有個小家庭就完美示範咗畀大家睇，要著全家親子裝唔一定要著老套公仔T恤嘅，只要識襯，全家親子裝都一樣可以著得型！

話說，呢位日本20歲嘅人妻經常都會喺twitter、instagram同blog度分享佢哋一家三口生活嘅一點一滴，而更值得大家留意嘅就當然係佢哋一家三口嘅親子裝配搭啦！到底家庭照都影到有日本時裝雜誌嘅感覺係點做到㗎呢？

呢家人嘅親子裝配搭法則就係，唔一定要全家人都著埋exact7ly一樣嘅衫，只要衫嘅顏色、物料同cutting差唔多，咁大家企埋一齊都會有好match嘅感覺。另外，佢哋買嘅單品多數都係啲比較百搭嘅單品，例如係牛仔呀、間條呀咁，mix下match下咁咪可以日日襯出唔同style嘅造型囉！

全家總動員可以著親子裝，當然淨係得媽媽同阿女嘅時候都可以著母女親子裝啦。而講到母女親子裝嘅變化就更加大，起碼冇咗個衰佬喺度，終於可以著下短裙吖係咪？

咁到爸爸一個人湊女嗰陣又可以著咩呢？嗯，咁就麻煩阿女著得男仔頭少少嘞。

今までインスタにあげてきたコーデ?
平日はえれのと?‍? 休日は家族で?‍?‍??

ゆうりが風邪で寝込んだ日には
いつもの真似して
リンクコーデして写真まで撮って?*°
仲良くデートに行ってた可愛いふたり?‍?? pic.twitter.com/kezU3SjdpF

— ゆうり (@y_r1853) 2017年3月3日

資料來源：y_r1853／twitter

睇埋：【係愛呀】潮爆60歲夫妻日日著情侶裝放閃