去到香港嘅海水公園，通常都只可以隔住塊玻璃睇住啲魚游嚟游去，最多都係畀幾廿蚊買兜魚餵海獅食，冇得真係同佢哋玩下遊戲、親身接觸下咁嘅。不過日本嘅水族館就有親親海豚體驗，畀遊客落水同海豚做個fd喇，難得有咁嘅機會，梗係要叫人幫自己影多幾張靚相呃like啦，最好影到好似條美人魚咁，又優雅又有愛心咁?呀！

最近有個日本網民就同佢家姐去到大阪一個海洋世界玩喇，家姐仲落水親親海豚?～嘩發生咩事呀！家姐成個頭甩咗出嚟浮喺水面呀！你冇事吖嘛！又話海豚好nice，唔會咬人嘅？人嚟呀！救命呀！

咦唔係喎，點解甩咗成個頭都可以成缸水一滴血都冇㗎？唔通張相係PS出嚟嘅？把我的同情心還給我！

原來呢一切都係光嘅錯！由於光線折射，令到我哋有錯覺，覺得家姐個頭同身好似斷開兩截咁，情況就好似平時我哋將一枝筷子放入水杯，都會覺得枝筷子斷開咗咁喇～睇返另一個角度影嘅家姐，就知佢咩事都冇啦，放心放心！

有網民表示之前都試過幫老公仔影到張斷身相，雖然冇成個頭甩咗咁驚嚇，不過如果唔知咩事嘅話，第一眼見到都會嚇到個心有啲離一離呀！

光の屈折でお姉さん死亡 pic.twitter.com/bqNl3857Lv

— そたなごやなう (@Raaaiiichuuu) March 4, 2017

封面圖片、資料來源連結：Raaaiiichuuu／twitter、777orz_b／twitter