假如你夠叻，可以成功調教到隻寵物聽聽話話，咁你咪有資格做主人囉……教唔到？噢，咁就唔該你乖乖地做主子嘅奴才喇！到底寵物要點先算聽話呢？毛毛唔用說話嚟答大家，毛毛用例子嚟答大家。

話說，最近有位日本兔主人就完美示範咗畀大家睇寵物點先叫聽話。

呢位主人話喎，只要佢一伸隻手出嚟，屋企隻兔兔就會9秒9衝過嚟畀佢摸㗎喇～而且仲要係唔摸勻全身都唔肯走嗰隻?！喂，係真唔係呀，隻兔兔真係識得自動埋位畀人摸咁乖？事不宜遲，即刻去片：

手をかざすと颯爽と撫でられに来るうちのうさぎ pic.twitter.com/hPZLld1fTA

— し お ん（故） (@kagesashion) 2017年3月3日

嗚哇！隻兔兔任摸唔嬲咁真係勁黐身勁得意呀！

老老竇竇，呢位主人調教到隻兔兔識得自動埋位畀佢摸咁乖，真係想葡萄死其他奴才咩！一眾可憐嘅奴才表示，唔好話自動埋位啦，有時主子惡起上嚟真係連想摸兩下都難呀陰公……

資料來源：kagesashion／twitter