爸爸嘅創作力量同幻想真係唔講得笑，分分鐘隨時嚇你一跳。

以下呢位日本爸爸就充分發揮咗佢嘅創作力量同幻想，喺幫斗希（即係佢個bb）沖涼嘅時候用泡泡幫佢設計出n咁多個造型，而且仲喺instagram度同一眾網民開心些牙咗呢啲泡泡造型照?！事不宜遲，即刻帶大家睇下～

嘩，斗希一時成個國王咁，一時又成個《天使得得B》入面個太陽咁……呢位爸爸都好有創意啫！唔通呢位爸爸嘅真正身份其實係一位造型師？

咦喂，竟然連佛祖造型都有？真係唔夠你玩喎……

btw，毛毛都明白阿b啲造型咁得意，加上佢啲表情又咁盞鬼，一時忍唔到手幫阿b轉多幾廿個look都係人之常情嚟嘅，之不過阿b畀你玩咗咁耐應該都攰㗎喇……呢位爸爸，不如你都係畀阿b唞下啦好嗎？話晒bb仔沖涼沖咁耐都好易凍親㗎嘛，萬一陣間搞到bb病咗就唔係幾好啦。

（隨文附送斗希bb正常寫真一張）

資料來源：hiromi.mo／instagram

睇埋：洗個海帶啫，班BB使唔使搞到蠟筆小新咁樣樣呀？