通常嚟講，第一次都係比較興奮嘅……如果唔係呀，以下呢位台灣同學仔第一次申請到信用卡，喺張卡到手嗰陣，就唔會興奮到連簽名都簽錯位，搞到張卡廢咗用唔到，兼且要銀行重新出過張卡畀佢啦！

是咁的，話說呢位林同學就終於申請到佢人生之中第一張信用卡啦，點知就喺佢喺張卡上面簽名嘅時候，佢竟然簽錯咗落張卡個磁帶位（係咪咁講？）度喎！嘩，咁樣會唔會搞到張卡碌唔到㗎？嗯嗯，冇錯，張卡最後真係因為佢個簽名而搞到碌唔到嘅。跟住佢就諗住試下用酒精睇下抹唔抹得甩個簽名啦，結果都係抹唔甩嘅……就係咁，發生喺林同學身上嘅呢件7事就畀佢嘅fd子post咗上網喇。

而最後，呢位林同學都多謝咁多位網民收睇佢呢件7事，佢仲話拎到新卡嗰陣唔會再簽錯名㗎喇！

btw，講到7呢家嘢，早前呢咪台灣網民嘅爸爸咪又係咁一擔擔！佢因為見張發票中咗200蚊台幣就開心到拎個熨斗出嚟燙平張發票，結果一燙張中獎發票就變咗咁樣樣喇……正所謂，人誰冇7過，知7能改咪得囉！

資料來源：dcard、Vivian Wu／爆廢公社

睇埋：【冇喇冇喇】老竇你搵個熨斗燙平張中獎發票做乜啫！