試想像下，當你帶齊電腦叉電線同插頭去到一間coffee shop度，諗住開著部電腦享受人生嘅時候，你突然發現嗰度原來冇插座……呢個時候，你望住袋入面部叉爆電嘅電話同遊戲機，係咪好想用念力轉移啲電落部電腦度呢？

想叉電？使咩用念力吖，用任天堂Switch一樣得！如果你手上面係呢部最新嘅任天堂Switch，而你又係用緊最新嘅Macbook Pro嘅話。

話說，最近有外國網民將部Switch連接Macbook Pro，諗住部Switch會好似iPhone咁自己叉電啦，點知大愛嘅Switch冇用到Macbook Pro啲電不但止，仲將自己所剩冇幾嘅電分返畀部Macbook Pro?！

下，咁叉法部Switch會唔會乾塘㗎？咁又唔使咁驚，只要你熄咗部Switch先連接Macbook Pro，咁部Macbook Pro就會開心些牙返啲電畀部Switch㗎喇～你幫我叉電又得，我幫你叉電又得，呢種互插互助嘅關係真係好微妙呀！

介紹返，呢部好似有奶媽功能咁嘅遊戲機，一部係賣緊二千幾蚊嘅。另外，機入面所有save都只係可以save喺內置記憶體，過唔到去其他裝置。所以想拎部Switch嚟叉電嘅巴打就自己諗清楚喇～

封面圖片及資料來源：mcwm／twitter