聽講而家情迷K-Pop 嘅妹豬們有一句人生座右銘「爹親娘親都不及OPPA親」，當然知道只係搞下笑，大家都唔會咁不孝啦，不過都已經可以睇得出佢哋對偶像有幾咁熱情呀！個個都話自己係忠實粉絲，好似要買得愈多偶像商品、甚至場場演唱會都去睇，就愈真心咁，公平咩！聽歌啫，你估真係個個都有錢買偶像商品㗎咩！

日本有個住喺鄉下地方嘅EXO－L就表示自己冇錢買EXO商品喇，不過唔緊要，呢個世界唔係有錢就有真愛、有樓先有高潮嘅，你估會使錢買條Panadol手鍊嘅就一定係真命天子咩！佢由2014年開始就將種子排成EXO三個英文字咁開始種，再用愛心嚟灌溉， 日子一日一日過去，慢慢就見到EXO字型嘅植物喇！

話明係忠實粉絲，淨係種EXO三個英文字都未夠呀，佢仲挑戰埋種EXO個logo出嚟，都似模似樣㗎！可能有人覺得中學生唔應該花咁多時間同心機追星，但毛毛就覺得呢個妹豬嘅idea好值得畀個like佢喇，話晒都係學生，要買偶像商品多數都係用爸爸媽媽畀嘅零用錢買，但佢就喺花最少錢嘅情況下表達對偶像嘅支持，真係好識諗呀，抵讚！

妹豬呀妹豬，不如你有機會去EXO見面會嘅話，都學呢個BBC妹豬（Block B粉絲團）咁，搵個膠袋裝啲空氣嚟賣啦，咁先可以買多啲種子返嚟種大個啲嘅logo吖嘛！

ど田舎に住んでるから、中学校の頃はEXOのグッズなんて買えなくて仕方なく家の畑でEXOを育成してたｗｗｗｗｗｗｗｗｗｗｗｗｗｗｗｗｗｗｗｗｗｗｗｗｗｗｗｗｗｗｗｗｗｗｗｗｗｗｗｗｗｗｗｗｗｗｗｗ pic.twitter.com/ZbfN2wghOk

— あび (@hyunee_i) February 26, 2017

封面圖片、資料來源連結： hyunee_i／twitter、BBC_0914Z／twitter

睇埋：【忍痛割愛】唔係窮到燶我都唔會賣BLOCK B見面會空氣呀！