2017年03月07日 星期二
【來自地獄的味道】到底點先可以唧到杯雪糕咁樣衰？
雖然以前上音樂堂，Miss大大話話都教過十幾廿首古典樂曲，不過我哋最有印象嘅，應該都只係得《藍色多瑙河》囉，係咪講落都覺得有啲熟呢？之唔係雪糕車播嗰隻音樂囉！有時都覺得做雪糕車叔叔幾開心㗎，日日有歌聽，班小朋友一有雪糕食就笑晒口咁，簡直有種做聖誕老人嘅感覺呀，係咪好有即刻辭職去揸雪糕車嘅衝動呢！
但係，笨唔係你鍾意細路或者有車牌就有資格做人見人愛嘅雪糕車叔叔㗎，最重要嘅條件係，你識唔識唧雪糕吖嘛！唔好見人拎住個脆筒，隻手扭幾扭就唧到杯軟雪糕出嚟就以為好易呀，你睇下上面呢杯軟雪糕，就明唔係人人都有唧雪糕嘅天份啦。好衰唔衰，佢仲要係芝麻味，一條條嘅形狀加埋灰灰黑黑嘅顏色，唔話係異形都唔得啦……平時啲細路一見到雪糕就笑到見牙唔見眼，但見到呢杯來自地獄嘅雪糕，肯肯定嚇到成個人都唔見埋。
唔好咁sad豬啦，聽講而家韓國出咗款杯麵造型嘅雪糕，咪都係一條條咁樣咋嘛！你咪畀少少創作力量同幻想，當嗰杯係墨汁意粉雪糕囉！
道の駅で食べたごまソフトが完全にクトゥルフ神話メンバー pic.twitter.com/6hZStJjWEW
— Gronbitter (@Gronbitter) March 5, 2017
封面圖片、資料來源連結： Gronbitter／twitter、bing.co.kr
《尋找雪糕的故事》
