去食飯影相呃like，就梗係要有美食啦，電話就要裝定唔同嘅影相同美圖app以備不時之需～但係再靚嘅構圖，偶然都需要啲道具嚟輔助下嘅，而最方便攜帶又最吸like嘅道具就梗係杯緣子啦！眼大大紥孖辮嘅杯緣子又真係幾打耳嘅，再加埋佢啲千奇百趣嘅甫士同造型，真係抵佢咁受妹豬歡迎呀～

為咗滿足啲妹豬對唔同大細嘅需求，官方仲好體貼咁出咗大隻版杯緣子，真係無論大與小，呃like最重要呀下～呢排喺台灣7仔仲有得換?，好多網友換完返去都發掘咗杯緣子嘅新用法呀！

咁多位貓奴有福喇！只要你換多一個杯緣子，就可以多一個迷你奴才幫你手服侍主子啦～唔止可以幫手餵主子食飯，仲可以幫主子托住條尾?！

「主子，你賞?嘅呢條皮草真係好珍貴呀！」 

正所謂咩人諗咩嘢，貓奴見到杯緣子就梗係將杯緣子變埋貓奴啦～但係如果杯緣子落咗喺啲曳曳嘅人手上⋯⋯

＿你個街呀，L樣嚟嘅喂！仲要係黑柴嚟㗎喎，同學，打下格仔好啵！睇真啲，原來係杯緣子個頭啫⋯⋯你好拎唔拎，拎到杯緣子咁嘅樣，你叫一班妹豬以後仲點面對杯緣子⋯⋯個頭頂喎！

封面圖片及資料來源：余浩與、王艾瑪、Yuan Yang