點解日本呢個國家咁乞人憎……整方包咪整方包囉，做咩連塊方包都要整成兔仔形狀咁樣樣啫？成日出埋啲咁可愛嘅商品，真係想窮死毛毛咩？唉，shut up and take my money啦！

話說，一間叫「ベーカリー兎座LEPUS」嘅麵包店就推出咗一款兔仔造型方包（一袋賣300円，未連稅），呢款兔仔造型方包咁得意，搞到唔少日本網民都係咁喺twitter度些牙呀！

大家睇下，兔仔造型方包加上滿滿嘅cream，真係睇見都想咬啖～

雖然呢款兔仔造型方包就唔算貴，不過要買到都唔係咁容易㗎，因為呢款兔仔造型方包製作需時，所以呢間麵包店一日只會整20斤兔仔造型方包，賣晒就要等第二日先有得買㗎喇！

喂老老竇竇，間麵包店連個名都有個「兔」字，唔係淨係出得一款兔仔造型麵包咁少呀？

嗱，當然唔係啦，除咗毛毛頭先介紹嗰款兔仔造型方包之外，其實仲有兔仔造型rusk㗎，一塊脆卜卜兔仔造型rusk承惠150円（未連稅）。

介紹返，呢間「ベーカリー兎座LEPUS」麵包店位於東京杉並區，位置大約就喺地鐵丸之內線嘅新高円寺駅同東高円寺駅中間，由新高円寺駅行5分鐘左右就到㗎喇。

嗱，認住塊兔仔招牌就唔驚搵唔到啦！

資料來源：cocomademoII／twitter、tsukikoNB／twitter

睇埋：【入得廚房】自家製兔仔料理 睇得又食得！