大家都知道製作魚翅係一件好殘忍嘅事，漁夫將捉到嘅鯊魚用電鋸活生生割鰭之後，就會掉返落海，仲會令鯊魚備受絕種威脅。唔止咁呀，鯊魚作為海洋食物鏈嘅頂級掠食者，可以有效平衡其他獵食者嘅數量，簡單啲講，即係例如大白鯊會食南非海豹，令到南非海豹數量唔會過多，有助平衡生態系統。

鯊魚咁重要，但最近喺唔少潛水友群組都瘋傳一段片，話竟然有人捉鯨鯊賣魚翅呀！唔L係啩！

相信個「湛江姚鵬」就係當事人喇，佢喺微信度同班fd子講佢捉到條鯨鯊，問人知唔知啲魚翅可以賣幾錢！可能佢以為大家都會羨慕佢可以今次發大達啦，但事實就啱啱相反，個個都話佢做咩唔放返條鯨鯊走，仲話佢作為一個潛水員，應該要保護瀕危動物先啱，點可以殺害動物！

面對大家嘅指責，姚鵬哥冇內疚不特止，仲話自己好愛動物，第日搵到錢，會買一片海嚟養鯊魚喎……真係多L謝晒呀，毛毛諗起正苦斬晒啲樹然後用綠色圍板圍住啲地盤，話係城市綠化呀。

以前好多人都覺得擺酒除咗鮑魚呢，仲要有啖魚翅畀人食先夠面子嘅，不過而家唔同㗎喇，環保最緊要，要擺酒席，大家都識揀啦！

封面圖片、資料來源連結：Bill Leong Chin Ming／国际潜水爱好者聚集群(中文版)、WWF