女人呀女人，你哋數嚟數去都係得一對耳仔啫，點解得一對耳仔都可以買成千上萬對耳環擺屋企㗎？而且仲要有唔少對耳環都係買嗰時覺得靚，但買到返嚟又唔知點襯，搞到一次都冇戴過出街?……唉，你哋話嘞，買落咁多對耳環，冇返個似樣啲耳環收納盒點得呢？

而想要個似樣嘅耳環收納盒都唔使出錢買嘅，自製都一樣得。唔信？跟以下呢位日本網民學下嘢啦！

要自製一個耳環收納盒真係話都冇咁易！

首先，你要準備一個盒。呢個盒可以係小學時候用過嘅筆盒，都可以係舊咗嘅眼鏡盒，總之求其喺屋企見到邊個盒冇用而又啱使嘅就拎邊個啦。然後，第二步就係要準備一塊海棉。

最後？最後咪個盒有幾大你就剪幾大塊海棉放落去囉！

登登登櫈，一個自製嘅耳環收納盒就咁就完成咗喇！嘩，前後用咗有冇五分鐘呀？真係簡單到連小朋友都識整啵。而家啲耳環擺到咁整齊，以後要揀戴邊對耳環出街嗰陣就方便好多啦！

これをこうしてこうじゃ…邪魔にならないしピアスが埃かぶらなくていいよ pic.twitter.com/xyCzMKKGBo

— ゆき@乳首おじさん (@mmmsnow21) 2017年3月6日

資料來源：mmmsnow21／twitter

睇埋：【其實唔難】食剩個月餅盒不如整做首飾盒啦！