話說，最近有日本網民食食下千層蛋糕嘅時候就突然心血來潮，雕咗個蛋糕版獅身人面像出嚟喎！嘩，係真唔係呀，呢個聞名冚世界嘅雕像都畀你雕到出嚟？

可能有人會覺得呢位網民雕到個蛋糕版獅身人面像啲五官唔清唔楚咁，不過計毛毛話，獅身人面像嘅嘢你哋識條鐵咩？堅．獅身人面像經過咁多秋與冬，啲五官就梗係模模糊糊咁㗎啦！嗱嗱嗱，唔信大家睇下嘞：

而且呢個蛋糕版獅身人面像嘅精妙之處就係在於佢一層一層咁，無論係質感定顏色都同堅．獅身人面像似到十足十呀！

不過咁，講到雕呢家嘢，之前另一位用雪糕雕玫瑰花嘅日本網民咪仲勁！千層蛋糕就話唔會溶、可以慢慢雕啫，但雪糕就唔同講法，雕得慢少少都隨時會溶㗎嘛（PS：冬天另計）……

例牌頭盔：嗱，大家唔好諗住拎爾康出嚟撻毛毛呀，雕完再食返唔算浪費㗎下！

ドトールさん、ゴメンなさい。
昼休みの変なテンションでミルクレープをスフィンクスにしてみようとか無謀なこと考えてゴメンなさい。 pic.twitter.com/GNpbdPfni3

— 道具屋ニックス 旅団カーバンクルいいよ (@douguyanix) 2017年3月8日

資料來源：touregypt​、douguyanix／twitter、ENDEDooooooo／twitter

睇埋：【神之手】食雪糕食到雕埋花係點做到？