有啲辛酸真係designer先會明白。幫個客執完幅圖，佢係都要你執完再執，執到出晒事先肯收手，到出咗事瀨晒嘢嗰陣又話你唔出聲喎！喂大佬，咪一早同你講咁樣唔work囉⋯⋯不過咁奄尖聲悶嘅客仔始終都唔及豬一般嘅隊友可怕！

嗱，大家睇下，咁樣落晒marking夠清楚啦？講到明要slim啲，仲要畀埋箭嘴你睇要slim幾多，咁應該就唔會p到過晒火，搞到連空間都扭曲埋啦！係，毛毛都以為係呀，但同事嘅智慧真係深不可測呢⋯⋯

佢居然直接將呢張打晒marking嘅相up咗上官網做示範圖片呀！雖然古乳有暈：「人誰冇7過」啫，但聰明到p都唔p張相就連圖帶marking up上官網度，你都真係第一人喇！

btw，唔通呢位同事想呢特別嘅方法嚟引班PS大神出手又要話你哋知咩？

而事後呢位同事知衰之後，都即刻post返張正常嘅示範圖片出嚟，之不過張示範圖片除咗啲marking唔見咗之外就咩都冇slim到囉，55。

封面圖片及資料來源：每日郵報

回帶：【又是Eric Chan的錯】Tag 9 him咩意思先？

又回帶：【tag9him啲friend】8000蚊人工can we hide this？