眾所9知，網購嘅嘢不嬲都充滿無限驚喜，每次網購就好似一場賭博咁，開大開細真係冇人知嘅。而最近，有日本網民都喺網上買咗張《遊戲王》卡，唔知今次呢位網民收到嘅又會係啲咩驚喜呢？

咦喂，我明明係買「光之創造神」卡㗎喎，你做乜寄盒愛情動作片畀我呀？睇真啲，仲要係凰香奈芽做封面嘅愛情動作片嚟?……唔通連個天都想我今晚打機？I'm ready！I'm ready！

一打開……嗯嗯，原來賣家只係用個盒嚟裝住張「光之創造神」卡，入面係冇任何凰香奈芽嘅蹤影嘅。

大家試想像下：當你想買《遊戲王》卡，但賣家又寄錯咗盒愛情動作片畀你……你以為自己收唔到「光之創造神」卡有啲失落，但同時間收到愛情動作片又有少少興奮……點知原來去到最後，個盒只係佢表面嘅掩飾？呢個時候你嘅心情真係來回地獄又折返人間呀！

呢個故事證實，封面果然係信唔過。

ホルアクティ買ったはずが、AV届いてめっちゃ焦った…
放心状態でとりあえず開けてみたら、ホルアクティいた…‼︎
…
なんだこのドッキリ… pic.twitter.com/44QRoE7vgt

— はっさく- TCG垢 (@saku06s) 2017年3月10日

資料來源：saku06s／twitter