唔少女女都鍾意扮賢淑整下手作仔，例如係當年風靡學生妹界嘅手繩同十字繡咁啦，見到自己親手整出嚟嘅完成品同包裝上面嘅完成圖一模一樣嗰下真係好有滿足感㗎！吖，毛毛以為整到同完成圖一模一樣已經好勁啦，點知原來咁都未算～

大家睇下，本來呢隻企鵝仔以前就得得意意好似一嚿雲咁嘅，但唔知受咗啲咩刺激呢，佢竟然由一隻企鵝仔進化咗做一條龍呀！

是咁的，話說呢位日本網民本身真係諗住整隻企鵝仔出嚟㗎，不過整下整下，佢一個唔小心就將隻企鵝仔進化咗做塔矢亮……呀唔係，係進化咗做白龍先啱！嘩，一個唔覺意都可以整到條龍出嚟，又真係幾唔小心喎，55。

不過講到進化呢家嘢就真係唔夠早前呢位網民隻進擊的企鵝仔嚟喇……大家睇下，連企鵝仔都可以變大隻仔，真係點到你唔服呀？

#百均のグッズ間違った使い方選手権
ついやってしまった、すまんなペンギンさん・・・ pic.twitter.com/7atvPt1uCQ

— brz-05∴珪化 (@5684a) 2017年3月10日

資料來源：5684a／twitter、midorinomoyashi／twitter

睇埋：【進擊の羊毛氈】企鵝仔你做乜搞成咁？