話說，最近有台灣網民就喺facebook post咗張相，佢話自己次次喺街見到CR-V都好想拎條叉電線出嚟幫架CR-V叉電，因為佢覺得CR-V車尾個凹位真係好似插頭位喎。嘩，唔post由自可，一post就發現原來好多網民都好有同感，呢位網民張相就係咁喺一日之內呃咗三萬幾個like喇！

睇真啲，CR-V車尾個凹位真係幾似插頭位，又難怪呢位網民想插佢嘅……之不過開講都有話「向上插，向下插，不可放任胡亂插」，你咪見係窿就想插先得㗎！你條叉電線又幼又細，收返埋佢先啦……

而講到似曾相識嘅嘢，呢位身穿深綠色外套嘅阿姐都唔弱。大家睇下，佢著到成棵人形聖誕樹咁，真係一見到呢位阿姐就想拎條閃令令彩帶幫佢裝飾呀！

喂，再似曾相識啲都仲有啵～大家睇埋呢條千年難得一見嘅土豪金色緊身褲，係咪一見到佢就好想拎嚿薯仔出嚟喪刨絲呢？

資料來源：曉珍／爆廢公社、韓嚴／爆廢公社、淘寶

回帶：【又到聖誕】唔知點解一見到呢個人就好想幫佢掛返啲燈飾

又回帶：【密集恐懼】Fashion嘅嘢，你識條褲咩！