成日話「堅持堅持幾多錢一茶匙」，咁到底咩係堅持先？就算30幾度都唔叫凍飲呀？晚晚食完飯都落街跑步呀？忍手一個月最多買一件衫呀？統統都唔係呀！如果你到今時今日都仲玩緊Pokemon Go，就真係夠晒堅持，毅力十足喇！

上年七月，Pokemon Go登陸香港，一街都係小精靈訓練員呀，場面幾咁墟冚呀！過咗半年幾，你就算真係仲努力緊，都唔好意思話畀人知啦，唔驚人笑你out咩。其實玩game呢家嘢，就好似收藏咁，儲一年半年，咪叫舊嘢囉，儲得十年八年，咪叫古董囉。日本有個Pokewalker玩家，由2009年開始，足足玩咗七年，終於成功咗喇！

唔係好記得Pokewalker係乜東東唔緊要，佢係一個跟NDS Pokemon遊戲出嘅步行器，你可以將自己嘅精靈send過去，帶住佢出街，一邊計步數一邊玩嘅。呢個玩家經過七年嘅努力，就達到上限嘅9999999步喇，真係好強呀，恭喜恭喜！唔知如果玩Pokemon Go玩足七年又會點呢，應該起碼都瘦到七公斤喇啩？

苦節7年、ついにポケウォーカーカンスト達成！！ pic.twitter.com/0B87m0jrNF

— スイカ (@suica_pokeca) March 14, 2017

封面圖片、資料來源連結：suica_pokeca／twitter