噚日清遠舉行咗場馬拉松比賽，今年已經嚟到第三屆喇，次次都有成兩萬人參加，都幾大規模下㗎，見到祖國同胞嘅生活咁開心咁多姿多彩，大家都咁關注身體健康，真係好令人滾動呀！

國家要放開，思想要放開，強國而家咁強，唔少洋鬼子都慕名嚟到參與呢場體育盛事㗎。話明係大大規模馬拉松比賽，指示牌當然都要面向國際，中英對照啦。跑馬拉松最緊要識睇指示牌，唔好跑錯方向，「右轉」個牌就寫住「turn left」，「左轉」個牌就寫住「turn right」喇，唔好係話錯嘅，只係有強國特色啫。

國家就算指你去左定去右，都係always right㗎！最後今年嘅參事由三位冇跑錯方向嘅同胞包辦冠亞季軍，為國家出一口氣！Btw，聽講今年都係得一個外國勢力參賽咋喎，主辦單位你唔使出印錯英文呢招嚟助攻下話？

封面圖片、資料來源連結：搜孤體育

延伸閱讀：【強國世界級馬拉松】參賽者誤食番梘 2萬人參加萬2人受傷