以前讀U嗰陣，日日都唔係食汁汁頹飯就係燒味飯，真係食到成個人都頹晒呀，有次去到第二間U開會，先知道原來人哋又有車仔麵又有西餐食㗎囉！聽個中大鄭裕彤樓間The Stage Cafe（聽個名都知同蟲can冇得比啦）最近連漢堡包都有得食喎，一齊去睇過！

開喺中大，都算幾隱世吖，咁都唔止呀，仲相當邪惡?，事關佢大大隻字寫住「中大精英」，擺明係要叻仔叻女先有得食㗎！睇唔睇到呀最底行細字呀？要讀Global Business Studies呀、國際貿易與中國企業呀、藥劑呀、法律呀之類嘅人稱「神科」嘅學生先有權享用，其他唔係「精英」嘅同學仔，就算有錢都唔畀買㗎！其實咩科嘅同學仔都一樣要做功課一樣有畀心機讀書，點解連想食個漢堡都要行精英制喎，公平咩？

原來，呢張poster笨唔係真嘅，而係一個中大新聞與傳播學院學生同Cafe合作搞嘅社會實驗，想睇下大家對精英主義有咩睇法。

（最新消息：張poster已經收起咗～）

精唔精英呢家嘢，相對㗎啫，有神科漢堡餐，又點可以冇廢青頹飯餐呀？你哋班唔夠肥毒矮7醜嘅，唔好同毛毛爭呀下。

封面圖片、資料來源連結：感謝網民Pun Tracy Tsz Yan同意轉載