唔好以為做的士司機有得兜路黑面拒載唔過海唔找毫子咁任性就好爽呀，其實行行都有辛酸嘅，夜更司機要夜媽媽自己喺車度等客，分分鐘見到啲佢唔想見到嘅嘢㗎……咩呀，乜你冇聽過嗰啲嚇到人個心離一離嘅都市傳說咩……

話說，有個日本網民喺深夜時份自己搭的士嘅時候，個司機叔叔竟然一邊幫佢搬行李上車（嘩乜日本啲司機咁好嘅），一邊問佢：「個小朋友係咪都一齊搭」呀……喂大佬，我一支公咋喎，幾時多咗個細路呀，夜媽媽咪L嚇我啦！

原來係個網民自己眼大睇過籠啫，你腳邊咪有個小朋友囉！其實司機叔叔講緊嘅，係隻流浪貓呀，開頭睇佢唔到，真係嚇到鼻哥窿都冇肉呀！大佬呀，雖然叫喵星人做小朋友係好親切，不過都分下時候好喎！喵星人你又係嘅，想搭順風車咪出聲囉，實畀你一齊搭㗎啵，唔好咁鬼鬼崇崇得唔得呀！

夜中タクシーつかまえたら「そちらの子もお乗りになりますか？」と聞かれて、なに、やだ、私一人なんですけど子供の霊とかいる感じ？??????????ひゃ〜〜〜とか思ってたらなんかついてきてたーーーー pic.twitter.com/9fHthVKuLw

— 佐久間ジョバンニ (@390giovanni66) March 19, 2017

封面圖片、資料來源連結：390giovanni66／twitter