瞓唔著有咩好做？除咗數綿羊同飲牛奶之外仲有冇呀，畀啲新意嚟好冇？唉，夜䦨人靜又瞓唔到，咪唯有搵啲嘢搞下啦，一於趁呢個空檔做返啲愛做嘅事，例如雕下嘢咁啦！但係夜媽媽雕乜L嘢呀？

嗱嗱嗱，食神就有個快刀手，切損手之餘又雕到嚿豆腐臭晒，但係呢位仁兄，雕嘅唔止唔會臭，仲會發出陣陣芳香?～之唔係雕肥宅，Sor，係肥皂，即係番梘先啱！

究竟呢嚿白??、滑捋捋嘅番梘可以雕啲咩出嚟呢？唔通雕花咩？冇錯，就係雕花！

仲要係雕出一朵潔白無瑕嘅白菊花呀！雖然毛毛平日都見唔少番梘花，但係番梘菊花都係第一次見咋，仲要塊塊花瓣雕到咁薄，又有自然嘅弧度，講，係咪換咗朵真花！

其實只要睇真啲，由朵花嘅形狀同埋花瓣嘅反光就睇得出堅係用番梘雕出嚟㗎喇，真係「使出真功夫，方為大師傅」呀！呢朵咁嬌嫩嘅菊花，真係要溫柔對待呀～不過師傅，白菊唔係好啱用嚟氹女女喎，有冇第二個選擇咁呢？

要氹女女梗係要送玫瑰啦～蘿蔔雕玫瑰，一啲都難唔到呢位網友呀！不過溫個提，蘿蔔就唔係條條都雕得嘅，最好就問下屋企人先啦，唔係一陣雕錯姐夫，你叫家姐情何以堪呢？

封面圖片及資料來源：葉小掠