「救命呀！大雄救我呀！有好大隻老鼠呀！」

眾所9知，雖然叮噹係一隻萬能嘅機械貓，次次都可以幫大雄搞掂啲蘇州屎，但偏偏佢就唔識捉老鼠，兼且次次見親老鼠都會大叫加暴走，有時仲會畀老鼠嚇到暈咗?！勢估唔到，咁驚老鼠嘅佢竟然都會同老鼠合體⋯⋯而且嗰隻仲要唔係普通嘅老鼠，而係米奇老鼠?！

是咁的，話說呢隻叮噹同米奇老鼠嘅合成獸係一位日本網民無意中發現到嘅，呢位網民見到隻公仔視覺上咁有沖擊力，咁咪同大家開心些牙下囉。

老實講吖，通常啲公仔崩壞起上嚟都係眼耳口鼻走晒位㗎咋嘛，邊個諗到呢隻公仔竟然會崩壞到將叮噹同米奇老鼠合體啫？真係嚇到毛毛個心都離一離呀⋯⋯

不過咁，正所謂「鹹魚白菜，各有所好」，合成獸嘅嘢，你唔鍾意又唔代表其他人唔鍾意嘅。之前有外國網民直程將自己幾隻pokemon公仔縫埋一齊變做比伊種子?啦，咪又係咁！（嗯嗯，比卡超加奇異種子加伊貝咪比伊種子囉。）

中国の天津。爆発以上の破壊力があった一枚。 pic.twitter.com/ZVM6FG8raX

— 稲村 航平 (@Kouhei50) 2017年3月20日

資料來源：Kouhei50／twitter、imgur

睇埋：【叫咩名好】連Pokemon都有合成獸？