話說，最近日本一間麵包店就推出咗一款oreo泡芙，每件售價係346円（連稅）。

嗱老老竇竇，oreo不嬲都咁百搭，無論放落邊款甜品或者蛋糕個味道都咁夾，呢件oreo泡芙聽落都應該唔伏，試得過吖！而且望落每件oreo泡芙上面仲有咁多塊oreo，唔使問都知道勁足料。加上一件拳頭咁嘅oreo泡芙都只係賣346円，似乎呢件oreo泡芙都不失為一個打卡好選擇啵～

係，毛毛最初都係咁諗，可惜畀班日本網民講一講之後，毛毛就回不去呢⋯⋯班日本網民竟然話呢件oreo泡芙個樣好似海膽呀！

咩話？海膽？咁⋯咁望多兩望又真係幾似嘅⋯⋯雖然件oreo泡芙就畀人話個樣似海膽，唔多好睇，但其實樂觀啲諗，起碼件oreo泡芙都唔係畀人話似加拿大嗰隻海膽吖！55！

再講吖，講到回不去嘅，早前呢件士多啤梨味嘅snoopy冬甩咪仲慘⋯⋯佢畀日本網民話佢十足十患咗嚴重皮膚病咁呀！真係聽者傷心，聞者流淚⋯⋯你叫一眾snoopy fans以後仲點面對snoopy呢？

なんだこの……オレオがいっぱい刺さったパン…… pic.twitter.com/CcK2QuBFsk

— 昴河 蘭?東京秘封菫子コス (@rantyan_) 2017年3月23日

資料來源：rantyan_／twitter、hi65_666／twitter、honeoyaji／twitter

睇埋：【士多啤梨惹的禍】日本網民話呢款Snoopy冬甩似患皮膚病？