就算毛毛未著過高踭鞋都知會著得幾辛苦啦，成個人嘅重量聚晒喺個咁細嘅斗零踭度喎，仲要靠前半隻腳掌嚟行，莫講話行路啦，連企一企都腳痛呀。既然著高踭鞋咁辛苦，點解都仲咁多女仔著出街嘅？型囉，威囉，顯高顯腳長囉，靚女主義囉！唔止呀，原來仲可能係因為高踭鞋可以為佢帶嚟緣份呀！

話說韓國男團「水晶男孩」嘅張水院喺出席簽名會嘅時候，見到有個女粉絲隻高踭鞋卡住咗喺地板個塞仔度呀！

哎呀，人哋妹豬特登著到靚一靚，襯埋對高踭鞋嚟見Oppa㗎嘛，點知喺呢個重要時刻先嚟咁唔好彩，卡住個鞋踭，真係醜死鬼喇……請問地板個塞夠唔夠大呀？畀著毛毛實想瓹埋落去。

張水院一見到妹豬有難，就用快過9秒9嘅速度過去烏低身，單手掹返隻鞋出嚟，真係好man呀！在場嘅粉絲見到呢一幕都瘋狂尖叫呀，嗚呀，這些機會！

掹完隻鞋，Oppa就好有紳士風度咁做手勢請妹豬著返隻鞋喇。毛毛知你實想諗佢做咩唔幫人著埋㗎喇，喂，你估佢真係幫妹豬著埋鞋嘅話，唔驚引起暴動呀？

현장에 있는 모든 팬들을 대동단결하게 만든 스윗한 #장수원 구두 빼주는 모습부터 이후까지 완볃하다? 진행자분이 여러분 말씀드렸듯이 홈 있어서 위험하니까 구두신으신분 주의해주세요. 이용하시면 안됩니다하고 농담 던질만큼 숴니 멋짐 ㅠㅠ pic.twitter.com/hEkFz1puv8

— 리릭;) (@ryan_sechs) March 19, 2017

封面圖片、資料來源連結：ryan_sechs／twitter

延伸閱讀：【堅・男神】歌星見到女粉絲畀人鹹豬手 即刻停唱英雄救美