情境題：下午六點鐘你喺旺角地鐵站落車，成個月台都塞滿晒人，你會揀行樓梯上去大堂吖，定係排嗰條每行一步就有三個人插入嚟嘅隊去搭扶手電梯呀？行樓梯係就係快啲，不過攰吖嘛，你知啦，而家後生唔坐得地鐵㗎，企足成程車仲唔夠腳軟咩……所以咪個個都明知搭扶手電梯要十分鐘先上到大堂都照搭囉。

嗱，旺角地鐵站就話多人吖，呢度係鹿兒島，冇咁多大媽㗎，見前面有條扶手電梯，就更加要搭啦。企定定一邊搭一邊轆手機先！

咦？電視又話扶手電梯係會郁嘅機器嚟嘅？乜好似郁都冇郁過咁㗎？唔通壞咗呀？

頂你個掣吖，樓梯嚟嘅！我企定定捉實扶手準備好搭電梯你先畀啲咁嘅嘢我？！呢條擺明係扶手賤梯嚟喎！

唔止偽電梯呀，仲有呢道門都係！自動門只係佢表面嘅掩飾，其實真正身份係手動門嚟㗎，問你死未！喂，到底係咪有偷拍鏡頭收埋咗想影人咩反應呀，夠膽就開嚟見我啦！

鹿児島クオリティ pic.twitter.com/hK0uAgOUSl

— 白森さわ (@siramori_sawa) March 24, 2017

封面圖片、資料來源連結： siramori_sawa／twitter