話說，有網民最近就愛上咗自製薯條。

呢位網民諗住到weekend就炸個一人份薯條，然後邊睇戲邊食薯條邊玩貓咁享受下假期啦，點知佢個roommate就係咁偷食，結果套戲都未播到一半，碟薯條就畀roommate清晒喇⋯⋯

「仲偷食？成個holiday mood畀你搞彎晒喇！」

嗱你哋話嘞，成碟自製薯條畀人清晒又點會唔火滾先？所以呢位網民一於「你做初一，我做十五」，決定用炸生薑條嚟fake一fake佢個hihi roommate！咁夠薑偷食我啲薯條？等我炸返碟生薑條過你歎下啦！

呢碟「幾可亂真炸生薑條」嘅做法同整炸薯條嘅做法一樣。首先將啲生薑切條，然後放落雪櫃雪硬佢，最後將啲生薑條炸到變黃金色就大功告成嘞。大家睇下，估唔估到邊碟係炸薯條，邊碟係炸生薑條呢？

（答案：左邊係炸薯條，右邊係炸生薑條。）

哼，再將啲炸薯條同炸生薑條撈埋一齊擺，呢鑊你仲唔冚⋯⋯？！

果然，最後呢位網民嘅roommate真係畀啲炸生薑條辣到火辣火辣咁樣樣。呢個故事教訓大家，好心話明偷食就唔好食得咁光明正大啦，真係偷偷地咁食咪冇事囉！好似係！

資料來源：四郎的黑暗料理