對一個盡責嘅主人嚟講，幫狗狗執屎係每日嘅指定動作。正所謂practice makes perfect池，毛毛有理由相信呢啲主人嘅執屎技巧純熟到可以寫落cv?。雖然一眾主人執屎真係好叻，但狗狗你都唔使整單咁嘅蘇州屎畀我執呀？

嘩，做咩事地下會有個bra喺度㗎？

是咁的，話說有台灣網民就話自己隻狗狗有日失驚無神叼咗個疑似屬於鄰居嘅bra返嚟，而且個cup數⋯⋯sorry講返正題！狗狗你叼呢樣嘢返嚟，叫主人點樣同鄰居解釋啫！

唉狗狗大佬，你就話可以賣個萌就當咩事都冇發生過啫，但你主人唔同你呀⋯⋯還返個bra畀鄰居又唔知人哋信唔信單嘢係狗狗做，唔還返個bra畀鄰居又好似特登偷咗人哋個bra咁！咁做唔得，咁做又唔得，你話而家應該點做好嘞？

不過喂咪住先，毛毛都係唔好咁快就咬定單嘢係狗狗做⋯⋯

雖然主人口口聲聲話個bra係隻狗叼返嚟啫，但冇證冇據，邊個知呢位主人有冇講大話呀？家陣唔畀係主人用口叼咗鄰居個bra返嚟再砌狗狗生豬肉㗎？法官大人，毛毛要求呈上閉錄電視片段！ 

資料來源：馬晨翔／爆廢公社