唔少人都知道王菲係信佛嘅。不過⋯⋯乜原來連王菲嘅囡囡竇靖童都係信佛㗎咩？

係呀，竇靖童係信佛㗎⋯⋯強國啲媒體講嘅。

話說最近有網民喺網上見到好幾個強國媒體都以「随王菲信佛？窦靖童穿T恤“悟”字当胸充满禅机」為題，報導竇靖童現身北京機場嘅消息。內容指竇靖童著住一件印有「悟」字嘅Tee，疑似係受阿媽嘅影響，所以對佛語情有獨鍾咁話喎！

嘩嘩嘩，咁強嘅推理係點做到㗎？件衫成個悟空造型出晒嚟喇喎，乜呢件唔係日本出嘅《龍珠》紀念Tee嚟㗎咩？上面個「悟」字好似係代表《龍珠》入面嘅悟空，唔係代表頓悟乜乜乜嘅意思喎⋯⋯

btw，我佛慈悲，反正悟空個名又真係源自於《西遊記》嗰個悟空，唔通竇靖童真係用件《龍珠》紀念Tee嚟暗示自己信咗佛又要話你哋知咩？

資料來源：北青網